Τίμαιος ὁ Σοφιστής: Πλατωνικὸν Λεξικόν / Γ

Γεῖσαι. λίθοι εἰς θριγκία καὶ τοίχων πρόσποδας παρεσκευασμένοι.
 
Γελοῖον. ἐφ᾿ ᾧ τις ἄν γελάσειεν, ἤγουν καταγέλαστον.
 
Γεννηταί. οἱ τὰς φατρίας γεννῶντες. Φατρία δέ ἐστι φυλῆς μέρος τρίτον, ὅπερ καὶ Τριτὺς λέγεται.
 
Γενναῖος. ὁ εὖ γεγονώς.
 
Γεωμόροι. οἱ κληροῦχοι.
 
Γεωπεῖναι. οἱ μικρὰν καὶ λυπρὰν γῆν ἔχοντες.
 
Γῆν ἰλλομένην. συγκεκλεισμένην καὶ περιειλημμένην. Ἰλλάδες γὰρ οἱ δεσμοί.
 
Γνωματεύοντα. διακρίνοντα καὶ διαγινώσκοντα.
 
Γόητες. οἱ ἀπατεῶνες.
 
Γυμνοπαιδία. χοροὶ ἐν Σπάρτῃ τῆς Λακωνικῆς εἰς θεοὺς ὕμνους ᾄδοντες, εἰς τιμὴν τῶν ἐν Θυραιαῖς ἀποθανόντων Σπαρτιατῶν.

---