Τίμαιος ὁ Σοφιστής: Πλατωνικὸν Λεξικὸν / Τ

Ταινίας ἀναδούμενοι. ἔθος τοῖς νικήσασιν ἀναδοῦναι ταινίας.
 
Ταλασιουργία. ἡ περὶ τῶν ἐρίων ἐργασίμη τέχνη.
 
Ταλαντοῦσθαι. ἑτεροφορεῖσθαι.
 
Τὰς ψυχὰς ἀποτεθρυωμένοι. ἀντὶ τοῦ, ἀπηγριωμένοι καὶ ἄγονοι.
 
Τέγγων. μαλάττων, βρέχων.
 
Τέγγεσθαι. εἴκειν ἐνδιδόναι.
 
Τεθυμμένος. ὑπὸ πυρὸς ἐκκεκαυμένος, ἤ κεκακωμένος.
 
Τελεσθέντα. ἀναλωθέντα.
 
Τελεταί. αἱ μυστηριώδεις θυσίαι.
 
Τέλος. τάξις, βλάβη, ἀνάλωμα.
 
Τέμπη. μεταξὺ ὀρῶν στενότητες.
 
Τερθρεία. γοητεία, ἤ περιπάθεια.
 
Τένθης. ὁ γαστρίμαργος.
 
Τερατολόγοι. οἱ θαυμαστὰ καὶ παράδοξα μυθεύοντες.
 
Τευτάζων. πραγματευόμενος, ἐνδιατρίβων.
 
Τέως. πρὸ τοῦ, ἤ ἕως τινός.
 
Τήθη. μάμμη. Τηθὶς δὲ, ἡ τῶν θείῳ ἀνάλογος.
 
Τὴν ἀλωπεκῆν. τὴν πανουργίαν.
 
Τὴν λῆξιν. τὸν κλῆρον.
 
Τί δῆτα ἔχων στρέφη; ἀντὶ τοῦ, ἐνδιατρίβεις.
 
Τιμαλφέστατα. τὸ τιμὴν πολλὴν εὑρίσκον. τὸ γὰρ Ἄλφειν εὑρίσκειν ἐστί, ἐξ οὗ καὶ Ὅμηρος Ἀλφεσιβοίας καλεῖ τὰς εὑρισκούσας εἰς τιμὴν βόας.
 
Τοπάζω. ὑπονοῶ, οἴομαι.
 
Τί μήν; κατάφασιν δηλοῖ, ἀντὶ τοῦ, πῶς γὰρ οὔ; ἤ διὰ τί γὰρ οὔ;
 
Τραγικὴ σκηνή. πῆγμα μετέωρον, ἐφ᾿ οὗ ἐν θεάτρῳ τινὲς παριόντες ἔλεγον.
 
Τριτύς. φυλῆς μέρος τρίτον.
 
Τυφῶνος πολυπλοκώτερον. Τυφὼν, ὁ λεγόμενος κεραυνωθῆναι ὑπὸ Διός. τούτου ποικιλώτερον.
 
Τωθάζων. χλευάζων, σκώπτων, διασύρων.

---